Ertu búin/n að fá nóg?
1. desember 2019
Ertu búin/n að fá nóg?
„Það er fátt verra en að finnast maður ekki nógu góð(ur) sem leiðir það af sér að mann langar mest af öllu að flýja sjálfan sig; meðvitað eða ómeðvitað. Stundum bergmála raddir í huga okkar sem segja að við séum ekki nógu góð og þessar raddir valda því að við æðum í öfuga átt – eyðum allt of miklum tíma í hluti sem skipta raunverulega ekki máli meðan það sem skiptir mestu situr á hakanum,“ segir Sigurbjörg Bergsdóttir ráðgjafi hjá Lausninni í nýjum pistli:
Öll eigum við rödd innra með okkur sem hefur trú á okkur - lítið hvísl á bak við öll lætin, eins konar friðarhöfðingja. Síðan er það önnur rödd, dómarinn, sem hefur skoðun á öllu, vill aldrei hafa gaman og er yfirleitt hræddur og uppáhaldsorðin hans eru „já en“ og „hvað ef?“.
Dómarinn þolir heldur ekki að vera í núinu. Hann vill bara að hafa áhyggjur af framtíðinni eða velta sér upp úr fortíðinni og minna mann á allt sem var óþægilegt eða það sem maður skammast sín fyrir. Dómarinn vill ráða öllu og hann á eina bestu vinkonu sem heitir fullkomnunarárátta. Fullkomnunaráráttunni finnst eins og dómaranum ekkert skemmtilegt heldur vill hún bara halda áfram og áfram og áfram.
Maður byrjar í sakleysi sínu kannski að þurrka af einu borði og þá byrjar hún „ það þarf líka að ryksuga, og fara í gegnum skápana og þrífa inni á baði“. Þó að maður elti hana og geri allt sem hún biður mann um þá finnur hún ný verkefni og þú getur treyst því að hún er aldrei til í að setjast niður og slappa af. Það er skammvinn ánægjan af því að elta hana.
Það er svokölluð árangurstengd gleði og hún varir svo stutt af því maður verður að halda áfram. Það að elta þessar raddir gerir mann algjörlega örmagna. Friðarhöfðinginn hvíslar á bak við: „Ætlaðir þú ekki bara að þurrka af einu borði? Sjáðu hvað er fallegt úti, viltu ekki taka utan um barnið þitt?“
Áreitið er svo mikið og streitan orðin svo mikil og við náum ekki að stoppa. Það sem er svo merkilegt með streituna er að þegar hún kemur þá kallar hún á meiri streitu, hún vill ekki vera ein í þessu partýi. Á þeim tímapunkti er maður farin(n) að anda grunnt, farin(n) að mikla allt fyrir sér og nær ekki að byrja á neinu. Sá sem ætlar að þrífa finnst eins og hann þurfi að þrífa allt húsið og fær sig ekki til að byrja heldur hringir í vin eða leigir mynd.
Heilinn er hannaður til að gera einn hlut í einu í rólegheitunum með friðarhöfðingjanum. Þar er maður við stjórn og með fulla meðvitund í núinu. Ef þig langar að hætta að hlaupa á eftir þeim röddum sem ekki eru að þjóna þér á neinn hátt þá er fyrsta skrefið að verða meðvitaður um þær, velja að lækka í þeim. Þær mega vera eins konar bakgrunnshljóð en eiga ekki að ráða neinu.
Ein góð einföld æfing er að finna góða minningu fyrir 12 ára aldur, horfa á þessa litlu manneskju sem maður var og leyfa sér að staldra við og gleðjast yfir því hvað maður er dýrmætur og á allt gott skilið. Góðar minningar tengja mann við gleði og frið, þær róa hugann og lækka í þeim röddum sem við erum að hlaupa á eftir eins og hamstur í hjóli.
Við bjóðum upp á einstakt tækifæri til að efla faglega færni í samskipta / pararáðgjöf.
Jólaþáttur hefðir og væntingastjórnun
Jólaþáttur hefðir og væntingastjórnun
Í þessum skemmtilega þætti kíkjum við aðeins á aðferðarfræði Gottmanns til að auka stöðugleika og hamingju í parsambandinu, hvað ber að forðast og hvernig við getum gert betur. VIð kíkjum á reiðmennina fjóra, gagnrýni, fyrirlitningu, varnarhátt og steinvegginn. Þessar aðferðir eru allar fyrirboði um hvernig við gröfum undan parsambandinu. Við leggjum einnig áherslu á að rækta þessi daglegu samskipti, sem byggja grunn traust og stöðug tengsl. Að skilja innri heim maka þíns og bregðast á jákvæðan hátt við beiðnum hans um athygli sem fær okkur til að upplifa að við séum séð og heyrð. Við ræðum einnig hvernig við getum snúið riddurunum við, þ.e. byrja á blíðu upphafi í samræðum í stað gagnræyni, byggja menningu þakklætis frekar en fyrirlitningu, taka ábyrgð í stað þess að fara í vörn og æfa sig í að tjá sig í stað þess að lokast af. Að lokum ræðum við námskeiðið sem verður næsta haust þ.e. í október 2025 - sem er spennandi nýjung sem Baldur og Barbara bjóða uppá. V ið hvetjum ykkur til að hlusta á þáttinn, megið endilega deila honum og gefa okkur endurgjöf á hann. https://www.lausnin.is/ Kíkið á Instagram síðuna okkar: Von ráðgjöf https://www.instagram.com/vonradgjof.is Meira um green cola: https://us.greencola.com/
Í þessum skemmtilega þætti kíkjum við aðeins á aðferðarfræði Gottmanns til að auka stöðugleika og hamingju í parsambandinu, hvað ber að forðast og hvernig við getum gert betur. VIð kíkjum á reiðmennina fjóra, gagnrýni, fyrirlitningu, varnarhátt og steinvegginn. Þessar aðferðir eru allar fyrirboði um hvernig við gröfum undan parsambandinu. Við leggjum einnig áherslu á að rækta þessi daglegu samskipti, sem byggja grunn traust og stöðug tengsl. Að skilja innri heim maka þíns og bregðast á jákvæðan hátt við beiðnum hans um athygli sem fær okkur til að upplifa að við séum séð og heyrð. Við ræðum einnig hvernig við getum snúið riddurunum við, þ.e. byrja á blíðu upphafi í samræðum í stað gagnræyni, byggja menningu þakklætis frekar en fyrirlitningu, taka ábyrgð í stað þess að fara í vörn og æfa sig í að tjá sig í stað þess að lokast af. Að lokum ræðum við námskeiðið sem verður næsta haust þ.e. í október 2025 - sem er spennandi nýjung sem Baldur og Barbara bjóða uppá. Við hvetjum ykkur til að hlusta á þáttinn, megið endilega deila honum og gefa okkur endurgjöf á hann. https://www.lausnin.is/ Kíkið á Instagram síðuna okkar: Von ráðgjöf https://www.instagram.com/vonradgjof.is Meira um green cola: https://us.greencola.com/
Von Ráðgjöf: Skilningur á framhjáhaldi – mismunandi birtingarmyndir þess í samböndum
