Ráðgjafar á Selfossi

Katrín Þorsteinsdóttir, klínískur félagsráðgjafi

Katrín Þorsteinsdóttir byrjaði menntunarferil sinn í fósturskólanum og lærði þar leikskólakennarann, hún stafaði sem slíkur til nokkurra ára. Á því tímabili sinnti hún meðal annars stöðu aðstoðarleikskólastjóra og síðar leiksólastjóra. Katrín bætti við sig menntun í byrjun þessarar aldar og fékk starfsréttindi sem félagsráðgjafi árið 2007. Hún starfaði við almenna félagsþjónustu auk barnaverndar hjá sveitarfélaginu Árborg til ársins 2012 þegar hún var ráðin í stöðu félagsmálastjóra hjá byggðasamlagi Rángárvalla- og vestur Skaftafellssýlu. Árið 2013 lauk Katrín námi sem fjölskyldumeðferðafræðingur frá Endurmenntun Háskóla Íslands, en um er að ræða 2 ára nám á mastersstigi.

Katrín hefur sótt fjöldann allan af ýmsum námskeiðum bæði innanlands og utan. Katrín hefur sérhæft sig í meðferðarnálgun sem kallast Emotional Focused Therapy og er sú aðferð innan fjölskyldumeðferðar sem er mest rannsökuð í dag.

Katrín hefur mikla reynslu af öllu því sem snertir vinnu með einstaklingum og þá ekki síst á meðal barna. Í vinnu sinni leggur hún áherslu á vinnu sem snertir einstaklinga, pör, börn og fjölskyldur.

Smelltu  „HÉR“  til að bóka viðtal hjá Katrínu!

Netfang: katrin(hjá)lausnin.is
GSM: 858-1796

Theodór Francis Birgisson ráðgjafi

theodor-150x110

Theodór hefur sinnt margs konar störfum sem snúa að mannlegum samskiptum.  Hann starfaði sem prestur á árunum 1993-2001 og aftur 2007-2009. Hann lagði í preststarfinu mikla áherslu á einstaklings- og pararáðgjöf. Árin 2001-2009 starfaði  hann sem lífeyris- og tryggingarráðgjafi hjá KB ráðgjöf (nú Tekjuvernd) en öll þessi ár sinnti hann einnig einstaklings- og pararáðgjöf. Frá árinu 2010 rak hann eigin ráðgjafastofu (TB ráðgjöf) sem sameinaðist Lausninni í nóvember 2013.

Theodór  las guðfræði í Kanada að loknu  stúdentsprófi og hefur allar götur síðan verið í símenntun á sviði tilfinninga, samskipta og sálarlífi fólks. Hann hefur sótt ýmis konar ráðstefnur hérlendis og erlendis um þessi málefni. Vorið 2013 lauk Theodór BA gráðu í félagsráðgjöf frá Háskóla Íslands og mastersnámi til starfsréttinda í félagsráðgjöf lauk hann vorið 2015. Hann skrifaði MA ritgerð um klíníska meðferðarvinnu á Íslandi með sérstakri áherslu á hjónabands- og fjölskylduráðgjöf haustið 2014 og er ritgerð hans sú fyrsta um þetta málefni sem skrifuð hefur verið hérlendis.

Theodór er félagi í International Family Therapy Association (IFTA) og Félagi fagfólks í fjölskyldumeðferð (FFFÍ). Hann er einnig annar tveggja höfunda bókarinnar ÉG ER sem kom út haustið 2014. Auk þess situr hann sem varamaður í stjórn Ís-Forsa sem eru samtök um rannsóknir í félagsráðgjöf.

Sérstakar áherslur:  Samskipti, hjóna- og sambandsmál, fjölskylduerfiðleikar, samskipti eftir skilnað, sorgarvinna, samskipti á vinnustað,  kvíði, samskiptaörðugleikar (heima fyrir, úti  í samfélaginu eða á vinnustað).

Netfang: theodor(hjá)lausnin.is
Sími: 858-1795
Smelltu hér til að bóka viðtal við Theodór.

Ragnheiður Kristín Björnsdóttir, fjölskyldufræðingur

Ragnheiður er fjölskyldu – og hjúkrunarfræðingur með viðbótarnám í heilsugæsluhjúkrun og opinberri stjórnsýslu á heilbrigðissviði. Hún er menntaður dátæknir og hefur sótt ótal ráðstefnur og námskeið m.a. í núvitund og sérhæft sig í meðferðarnálgun Susan M. Johnson „ Emotional Focused Couple Therapy“. Ásamt því að starfa sem fjölskyldufræðingur hjá Lausninni er hún starfandi forstöðumaður á félagsþjónustusviði Sveitarfélagsins Árborgar. Einnig hefur hún unnið við hjúkrun hérlendis og erlendis og er tengill Alzheimersamtakana á Suðurlandi. Hún hefur haldið fjölda uppeldisnámskeiða og hefur m.a. reynslu af ættleiðingu, glasa-og tæknifrjóvgunarferli. Hún hefur haldið námskeið um kulnun í starfi og einkalífi.

Ragnheiður veitir einstaklings- para/hjóna og fjölskylduviðtöl með áherslu á samskipti, andlega og líkamlega heilsu.

Ragnheiður er meðlimur í Félagi fagfólks í fjölskyldumeðferð (FFFÍ)

Ragnheiður býður bæði upp á viðtöl í Hlíðasmára Kópavogi og Fjölheimum á Selfossi.

Smelltu HÉR til að bóka tíma hjá Ragnheiði í Hlíðasmára Kópavogi

Smelltu HÉR til að bóka tíma hjá Ragnheiði í Fjölheimum Selfossi

Netfang:
ragnheidur(hjá)lausnin.is

Sími: 897-1527