Ör- námskeið um meðvirkni – 2.nóv

ornamskeid-520x248

Fimmtudaginn 2.nóvember bjóðum við upp á hið geysivinsæla Örnámskeið um meðvirkni, námskeið sem enginn ætti að láta fram hjá sér fara. Viðtökurnar hafa verið gríðarlega góðar og síðustu mánuði hafa færri komist að en vildu.

Námskeið þetta er fyrir alla þá sem vilja fræðast um grunnorsakir samskiptaörðugleika, skilnaða, fíkna og ofbeldis.  Námskeiðið stendur yfir í 4 klukkutíma og kostar 9.900 kr.  Námskeiðið hefur fengið frábærar viðtökur og verður framvegis haldið einu sinni í mánuði.

Örnámskeið þetta fjallar um hvernig meðvirkni verður til, hvernig hún þróast og hvaða áhrif hún hefur á fullorðinsár okkar.  Einnig verður fjallað um það hvernig hægt er að takast á við  meðvirknina og hvaða úrræði eru í boði.

Meðvirknivandinn er gríðar mikill hér á Íslandi og að okkar mati er hér um að ræða einn stærsta heilbrigðisvanda þjóðarinnar.   Meðvirkni er allstaðar í kringum okkur, hvort sem um er að ræða á heimilinu, í vinnunni, innan fjölskyldunnar,  úti í samfélaginu, í pólitíkinni, í vináttusamböndum eða í ástarsamböndum.

Að vera meðvirkur er að eiga í erfiðleikum með samskipti eða tengsl í einhverri mynd, hvort sem um er að ræða stjórnsemi okkar eða annarra, óöryggi í hinum ýmsu aðstæðum, ótti við að tjá raunverulegar tilfinningar og skoðanir, ótti við að segja sannleikann,  kvíði fyrir samskiptum eða aðstæðum eða erfiðleikar á að koma okkur úr skaðlegum samskiptum.  Það að losa sig við meðvirknina er að opna fyrir hamingjuna.

Hér er aðeins minnst á brot af þeim vanda sem við munum taka fyrir í þessu námskeiði og að sjálfsögðu munum við koma með leiðbeiningar um hvernig hægt er að takast á við meðvirknidrauginn í framhaldi.

Námskeiðið hefst kl 18:00 fimmtudaginn 2.nóvember 2017 og því lýkur kl 22:00.  Námskeiðið er haldið í nýju húsnæði Lausnarinnar að Hlíðarsmára 14, 2hæð.

Verð fyrir, fjögurra tíma námskeiðið er 9.900 kr.   Skráning „HÉR“

Fyrirframgreiðslu er krafist svo hægt sé að halda utanum fjölda þátttakenda.

Leiðbeinandi: Kjartan Pálmason