Ör-námskeið um meðvirkni og áföll

Fimmtudaginn 8. nóvember bjóðum við upp á hið geysivinsæla, Örnámskeið um meðvirkni og áföll, námskeið sem enginn ætti að láta fram hjá sér fara. Viðtökurnar hafa verið gríðarlega góðar og oft komast færri að en vilja.

Námskeið þetta er fyrir alla þá sem vilja fræðast um grunnorsakir samskiptaörðugleika, skilnaða, fíkna og ofbeldis og afleiðingar áfalla á líf okkar og samsipti.  Námskeiðið stendur yfir í 4 klukkutíma og kostar 12.000 kr.  Námskeiðið hefur fengið frábærar viðtökur og verður framvegis haldið einu sinni í mánuði.

Nánar um námskeiðið:
Örnámskeið þetta fjallar um hvernig meðvirkni verður til, hvernig hún þróast og hvaða áhrif hún hefur á fullorðinsár okkar. Fjallað verður um á ítarlegan hátt um upphaf meðvirkni, áhrif uppeldis, umhverfis og skóla á okkur sem börn, hvernig vanvirkt uppeldi litar unglingsár okkar, samskipti, sambönd og getu til að ráða við verkefni lífsins. Rætt verður um hvernig áföll og meðvirkni tengjast, áhrif, vanvirks uppeldis, á heila, taugakerfi, innra-minni, ytra-minni og ósjálfráða minnið, hvernig varnakerfið okkar virkar og hvernig afleiðingar áfalla geta skert getu okkar verulega, til lífsgæða.   Að endingu mun fyrirlesari fjalla um hvaða leiðir eru til lausnar og þau úrræði sem eru í boði.

Meðvirknivandinn er gríðar mikill hér á Íslandi og að okkar mati er hér um að ræða einn stærsta heilbrigðisvanda þjóðarinnar.   Meðvirkni er allstaðar í kringum okkur, hvort sem um er að ræða á heimilinu, í vinnunni, innan fjölskyldunnar,  úti í samfélaginu, í pólitíkinni, í vináttusamböndum eða í ástarsamböndum.

Að vera meðvirkur er að eiga í erfiðleikum með samskipti eða tengsl í einhverri mynd, hvort sem um er að ræða stjórnsemi okkar eða annarra, óöryggi í hinum ýmsu aðstæðum, ótti við að tjá raunverulegar tilfinningar og skoðanir, ótti við að segja sannleikann,  kvíði fyrir samskiptum eða aðstæðum eða erfiðleikar á að koma okkur úr skaðlegum samskiptum.  Það að losa sig við meðvirknina er að opna fyrir hamingjuna.

Hér er aðeins minnst á brot af þeim vanda sem við munum taka fyrir í þessu námskeiði og að sjálfsögðu munum við koma með leiðbeiningar um hvernig hægt er að takast á við meðvirknidrauginn í framhaldi.

Námskeiðið hefst kl 18:00 fimmtudaginn 8. nóvember, og því lýkur kl 22:00.  Námskeiðið er haldið í húsnæði Lausnarinnar að Hlíðarsmára 14, 2hæð.

Verð fyrir, fjögurra tíma námskeiðið er 12.000 kr.   Skráning „HÉR“

 

Leiðbeinandi: Kjartan Pálmason