Hjóna- og paranámskeið – 14. nóv

Hér er að ferðinni áhugavert og einkar hagnýtt námskeið um það sem þarf til að parsamband geti þroskast og dafnað. Farið er í helstu þætti parsambanda og einnig fjallað um algengustu vandamál í parsamböndum og hvernig best er að bregðast við þeim. Fjallað er um mikilvægi málamiðlunar í samböndum og munin á málamiðlun og „að láta vaða yfir sig“. Þá er tekið á því hvernig bregðast eigi við ágreiningi sem kemur upp í öllum parsömböndum og hvernig leysa má ágreining.

Leiðbeinandi námskeiðsins er Theodór Francis Birgisson (félagsráðgjafi MA) para- og samskiptaráðgjafi hjá Lausninni.

Námskeiðið tekur 3 klukkustundir og er ætlað bæði þeim sem eru í parsambandi og þeim sem langar til að vera í parsambandi. Námskeiðsgjald er 8.000 fyrir hvert sæti og takmarkað sætaframboð er á hverju námskeiði.

Námskeiðið verður haldið 14.nóvember klukkan 18:00 til 21:00 í Hlíðasmára 14, 2. hæð.

Skráning „HÉR“