Ertu hér núna?

Hefur þú lent í því þegar þú talar við fjölskyldumeðlimi – hvort sem það er makinn, börnin, foreldrarnir, eða jafnvel vinirnir – að hugurinn er allt annars staðar, án þess að þú hafir ætlað þér það? “Hvað eru þau aftur að tala um?”, þú ert alveg dottinn úr sambandi, segir e.t.v. já og nei á “réttum stöðum” án þess að taka eftir því hvað þau eru í raun og veru að segja. Athyglin er annars staðar, þú ert að gera og græja aðra hluti eða jafnvel að láta þig dreyma um að þú sért stödd/staddur á allt öðrum stað. Þetta kallast að vera á sjálfstýringunni, þegar við gerum hluti án þess að vera meðvituð um það sem við erum að gera.

Þetta á einnig við svo margt annað í lífi okkar hvort sem það tengist fjölskyldunni eða vinnunni okkar.

Sjálfstýringin er mikilvæg fyrir okkur í hinu daglega lífi en hún má ekki taka yfirhöndina og valda því að við tökum ákvarðanir sem eru ekki endilega þær bestu fyrir okkur. Við erum stundum föst í gömlum venjum sem henta ekki lengur.

Núvitund byggir m.a. á því að við endurþjálfum hugann okkar þannig að við náum að einbeita okkur að þeim þáttum sem við veljum að hafa athygli okkar á. Þannig  drögum við úr þeim tíma sem við erum á sjálfstýringunni og veljum meðvituð hvar við viljum hafa athyglina hverju sinni .

Á námskeiðinu lærir þú að fylgjast með hugsunum þínum og elta þær ekki. Þú munt kynnast því að heilinn er líffæri sem hefur m.a. það hlutverk að framkalla endalaust nýjar hugsanir þó að þú þurfir ekkert á þeim öllum að halda. Með núvitundarþjálfun lærir þú að sleppa takinu og “vera” í staðinn fyrir að “gera”. Því fylgir ákveðin hvíld fyrir heilann sem er nauðsynleg í nútíma samfélagi þar sem hraði, áreiti og álag er mikið.

Að stunda núvitund reglulega er eins og að fara með heilann í “spa”. Þú nærð allt öðru sambandi við sjálfa/n þig og ferð að sjá heiminn í nýju ljósi. Í dag er það viðurkennt að heilinn er mun mótanlegri en áður var talið og að við getum með þjálfun haft jákvæð áhrif á hann líkt og við gerum með vöðvana í ræktinni.

Fjöldinn allur af rannsóknum hefur sýnt fram á kosti þess að stunda núvitund reglulega.

Kostir núvitundarþjálfunar:

  • Dregur úr álagi og streitu
  • Gerir þér kleift að njóta líðandi stundar betur
  • Bætir einbeitingu, athygli og minni
  • Veitir tilfinningum, hugsunum og líkama meiri athygli
  • Róar hugann
  • Hefur jákvæð áhrif á hjarta- og æðakerfið
  • Dregur úr verkjum
  • Bætir svefn
  • Þú upplifir jafnvægi, innri frið og ert orkumeiri

 

Í september verður haldið 6 vikna núvitundarnámskeið þar sem grunnþættir núvitundarþjálfunar verða kynntir. Farið verður í fjölbreyttar og ólíkar æfingar þar sem allir ættu að geta fundið eitthvað við sitt hæfi. Þessar æfingar getur þú svo nýtt þér áfram að námskeiði loknu. Þátttakendur fá rafrænan aðgang að núvitundarhugleiðslum og fræðsluefni.

Námskeiðið hefst mánudaginn 5. nóvember kl. 19:30-21:00 og verður vikulega, á mánudögum fram til 10. desember eða í heildina í 6 skipti.
Námskeiðið er haldið í húsnæði Lausnarinnar að Hlíðarsmára 14, 2hæð.

Verð 29.900 kr.   Skráning “HÉR”

Leiðbeinandi:

Rakel Magnúsdóttir
Núvitundarkennari
Hjúkrunarfræðingur
MA Diplóma í jákvæðri sálfræði
rakel@lausnin.is