Í hlekkjum ástarinnar

Á þessu áhugaverða námskeiði verður fjallað um hvað veldur því að þekkt hringrás eigi sér stað í samböndum þar sem miklar öfgar, óvissa, vanlíðan og sársauki eru algengur hluti af parasambandi. Í huga margra er algengt að makinn sem þeir kynnast breytist frá því að vera draumaprinsinn eða prinsessan, yfir í að vera einstaklingur sem getur orðið fjarlægur, dónalegur, yfirgangssamur, óheiðarlegur og jafnvel ofbeldisfullur. Að sama skapi finna margir fyrir því að makinn verði háður sér, eigi erfitt með að standa á eigin fótum og að hann sé að kæfa sig í kröfum um samveru og nánd. Þessi hringrás hefur með hugtak að gera sem kallast ástarfíkn og ástarforðun (e. love addiction/love avoidant).

Þetta er algengt fyrirbæri sem fjöldi fólks tengir við og upplifir jafnvel að eigi sér stað aftur og aftur innan sama sambands eða milli mismunandi sambanda.

Á námskeiðinu verður farið ítarlega yfir þessa hringrás, hvernig hún lítur út og hvað veldur því að við virðumst fara inn í hana aftur og aftur auk þess að fjalla um leiðir til bata. Leiðbeinendur námskeiðsins eru hjónin og ráðgjafarnir Valdimar Þór Svavarsson og Berglind Magnúsdóttir sem bæði hafa yfirgripsmikla þekkingu á viðfangsefninu og nálgast efnið á einlægan og fræðandi máta.

Dagsetning: Fimmtudagurinn 8. Mars

Tími: 18 – 21

Staðsetning: Hlíðasmári 14, 200 Kópavogi

Verð: 9.000.- kr (takmarkaður sætafjöldi)

Bóka HÉR